யோகாவின் நன்மைகள் -18 | உட்டியானா & நெளலி செய்முறை-பலன்கள்| #Weight Loss


உட்டியானா

uddiyana

செய்முறை :



   கால்களை ஓரடி அகற்றி நின்று கொள்ளவும். உடலை சற்று முன் வளைத்து கைகளை தொடையில் வைத்து கொள்ளவும்.மூச்சை முழுவதுமாக வெளியே விட வேண்டும். வயிற்றை எக்கி கைகளை தொடையில் அழுத்தி குடலை படத்தில் காட்டியுள்ளபடி ஏற்றவும். இவ்வாசனத்தை மிக மெதுவாக செய்ய வேண்டும். 5 வினாடிகள் நிறுத்தி இளைப்பாறவும். ஒரு முறைக்கு 5 வினாடியாக 2 முதல் 4 முறை செய்யலாம்.

   உட்டியானா வெறும் வயிற்றில் காலையில்தான் செய்ய வேண்டும். ஆகாரம் உண்டு 8 மணி நேரத்திற்க்குப் பிறகு செய்ய வேண்டும்.

பலன்கள் :

   வயிற்றுப் பகுதி உள் உறுப்புகள் வீரியமடையும். அல்சர், குடல் புண், வயிற்று வலிகள் நீங்கும். ஜீரண சக்தி அதிகரிக்கும். இளமை மேலிடும். தொந்தி, ஊளைச் சதை கரையும்.

                                                           நெளலி

Nauli

செய்முறை:



   உட்டியானா செய்ய செய்ய நெளலி தானாக வந்துவிடும். கால்களை அகற்றி நின்று , கைகளைப் படத்தில் காட்டியுள்ளபடி தொடை மேல் அமர்த்தி உடலை முன்னாள் குனிந்து கொள்ளவும். சுவாசம் முழுமையும் மெதுவாய் வெளியில் விட்டு வயிற்றை உட்டியானா செய்யவும். பின் தளர்ச்சியடைந்த வயிற்றில் சதைகளை இறுகக் கட்டிச் செய்யவும். இப்படி இறுக்கியவுடன் மேல் சென்ற வயிறு தானாக முன்னால் துருத்தும். பின் வயிறு தடி போல் முன் வந்து இருக்கும். சில வினாடிகள் நின்று பிறகு வயிற்று சதையை நழுவவிட்டு சுவாசத்தை உள்ளிழுத்து இளைப்பாறவும். ஒரு முறைக்கு 5  வினாடியாக 2 முதல் 3 முறை செய்யலாம். வலது கை, இடது கையைத் தொடையின் மேல் அதிகமாக அழுத்திக் குடலை வலது பக்கம், இடது பக்கம் தள்ளலாம்.

பலன்கள்:

உன்னதமான ஆசனம். இழந்த ஆண்மையை மீண்டும் பெறலாம்.வயிற்றுக் கிருமி ,பூச்சி ஒழியும். மலச்சிக்கல் நீங்கி பசி உண்டாகும். குடலில் அமிலங்கள் உண்டாகாது. வயிற்று வலி, குடல்புண் குணமடையும். உடலில் தேஜஸ் உண்டாகி புத்துணர்வு ஏற்படும். மனக் கட்டுப்பாடு உண்டாகும். ஜீரண உறுப்புகள் அனைத்திற்கும் நல்ல இரத்த ஓட்டம் கிடைக்கும்.